News Item: : Գիտնականը հայտարարել է, որ կոտրել է «Պլատոնի ծածկագիրը»
(Category: Misc)
Posted by admin
Wednesday 30 June 2010 - 18:16:27

Ամերիկացի մաթեմատիկոս և գիտության տեսաբան Ջեյ Քենեդին հայտարարել է, որ կոտրել է Հին Հունաստանի փիլիսոփա Պլատոնի աշխատություններում թաքնված գաղտնի ծածկագիրը։ Այս մասին նրա հոդվածը հրապարակվել է ամերիկյան գիտական Apeiron ամսագրում։

Ըստ Քենեդիի՝ Պլատոնը կիսել է Պյութագորասի պատկերացումները «սֆերաների երաժշտության» մասին (արարման անլսելի երաժշտական հարմոնիայի) և իր աշխատությունները կառուցել է ըստ երաժշտական հարմոնիայի օրենքների։ Հետազոտողը, մասնավորապես, եկել է եզրահանգման, որ պլատոնյան ամենահայտնի երկխոսություններից մեկը՝ «Պետությունը», բաժանված է 12 մասի՝ ըստ պլուտոնյան երաժշտական գամմայի հնչյունների քանակի։

Քենեդին նշում է, որ ընթերցողի տրամադրությունը փոխվում է տեքստում թաքնված երաժշտական անցումներին համապատասխան, այնպես որ ընթերցողը կարծես դառնում է երաժշտական գործիք հեղինակի համար։

Ըստ Քենեդիի՝ «Պլատոնի գաղտնի ուղերձի» էությունն այն է, որ աշխարհը ղեկավարում են ոչ թե աստվածները, այլ բարձրագույն օրենքները, որոնք կարող են արտահայտվել մաթեմատիկայի կամ երաժշտության լեզվով։


This news item is from HovNet LTD
( http://host-109-68-122-224.customer.arminco.com/news.php?extend.122 )